This text is replaced by the Flash movie.
:: Trun Turissem

Deutsch | Romontsch

Meteo
Sa 04.09.2010
freundlich
Temp. 11 ~ 19
So 05.09.2010
freundlich
Temp. 11 ~ 21
Mo 06.09.2010
freundlich
Temp. 8 ~ 19


Beinvegni a Trun - Beinvegni en Surselva.
Nossa biala val lai recuvrar Vossas forzas corporalas e spirtalas.
Occurenzas
 
:: Gallaria da maletgs

Gallaria: Vischnaunca Trun

Ulteriurs 850 maletgs anfleis Vus
en nossas gallarias.
Cu gl´unviern fa fasch e fagot seffiteschan nos praus cun cavazzolas, primulas e violas.Il sulegl carsina la tiara ed ils carstgauns e dedesta tuts buns spérts ch´igl unviern veva durmentau. Era cultura savein nus far amogna a Vus. Trun ei in idil situaus 850 m.s.m. Il caracter dil vitg ei genuins e la hospitalitad ei cordiala. Flora alpina e cuolms imposants embelleschan la culissa dil vitg.
 
Vacanzas a Trun: Natira incantescha, cultura fascinescha. Duront tuttas stagiuns digl onn ein vacanzas a Trun in ver deletg. Vegls edifecis, capluttas, baselgias, la Cuort Ligia Grischa ed il Curtgin d´honur dattan perdetga dalla cultura e historia da nossa vischnaunca.

Da nossa vischnaunca derivan enconuschents artists: Aluis Carigiet, Matias Spescha, Gieri Schmed, Gioni e Luis Defuns. Dallas spundas tschallatan e patarlan dutgets. Aviuls ed insects visetan las pradas flurentas. Sin Vossas spassegiadas per vias e sendas da nossa vischnaunca entupeis Vus ina reha flora e fauna. Plinavon savein nus porscher a Vus loghens cun biala survesta e plazzas da picnic. Nies Rein porscha a Vus imposantas turas da rafting. Era ils bikers vegnan sin lur quen. Nossa pézza, il Tödi, ils Cavistrai ed il Péz Nadels fascineschan mintga alpinist.

Il temps d´unviern scaffescha la natira maletgs da bellezia singulara: bischas e sulegl, glatsch e favugn presentan lur atgna decoraziun. Era in pign runal da skis stat a Vossa disposiziun. Nos vitgs vischinonts porschan a buns skiunzs recreaziun da di e da notg. Pil sport da skis nordic ei Trun in veritabel paradis. Ina vasta reit da loipas meina igl amatur da passliung tras ina cuntrada marvigliusa.

© 2007 Trun Turissem | Webdesign: rute4